Аб'яднаная грамадзянская партыя (АГП)

 Кантактная асоба ў Рэчыцы:

Алесь Кацсьцючэнка.  Тэл.: 4 33 17

Партыя створаная ў 1994г. злучэньнем двух партый — Аб’яднанай дэмакратычнай (АДПБ, створаная ў 1990 г.) і Грамадзянскай (створаная ў 1994 г.), дзейнасьць партыі у Рэчыцкім  раёне – з 1994 г.

Асноўныя мэты. Садзейнічаньне стварэньню грамадзянскай супольнасьці і прававой дзяржавы на падставе свабодных рынкавых адносінаў, прыярытэту правоў чалавека, агульначалавечых каштоўнасьцяў і плюралізму па ўсіх напрамках развіцьця грамадзтва; абарона правоў, свабодаў і законных інтарэсаў грамадзянаў Беларусі ў межах дзеючага заканадаўства; садзейнічаньне стварэньню ўмоваў для павышэньня ўзроўню жыцьця грамадзянаў шляхам рашучага рэфармаваньня эканомікі, інтэграцыі краіны ў сусьветнае эканамічнае супольніцтва. (Паводле Статуту АГП)

Партыя БНФ                  

Кантактная асоба ў Рэчыцы:

Валер Пуціцкі

Тэл.: 3 45 69,    +375 29 351 79 78

Электронная сувязь:  pucickі@tut.by

Партыя створаная ў 1992 г. сябрамі грамадзкага аб’яднаньня “БНФ Адраджэньне”, якое заснаванае ў 1989 г., дзейнасьць партыі у  Рэчыцкім  раёне – з 1992 г.

Асноўныя мэты. Галоўная мэта Партыі БНФ - свабодны чалавек у незалежнай эўрапейскай Беларусі. Партыя БНФ імкнецца: да Свабоды, а менавіта да стварэньня дэмакратычнае супольнасьці адказных грамадзянаў; да незалежнасьці Беларусі, якая павінна быць незваротнай і надзейна абароненай; да дабрабыту, да эканамічнага вызваленьня людзей праз гарантыі для прыватнай уласнасьці; да адраджэньня, да аднаўленьня беларускае культурнае традыцыі на грунце эўрапейскіх маральных каштоўнасьцяў. Партыя БНФ – за эўрапейскі выбар Беларусі. Погляды Партыі БНФ знаходзяцца ў рэчышчы агульнаэўрапейскай народнай, кансэрватыўнай і хрысьціянска-дэмакратычнай ідэйнай традыцыі. (Паводле Праграмы Партыі БНФ.) 

Партыя камуністаў Беларуская (ПКБ)

Кантактная асоба ў  Рэчыцы:

Уладзiмiр Шэiн

Тэл.: 2 46 77,    +375 29 381 74 51

Партыя камуністаў беларуская створаная ў 1991 г. (вядзе сваю гісторыю з І зьезду Расійскай сацыял-дэмакратычнай рабочай партыі, якая дзейнічала і ў Беларусі – Менск, 1898 г.); дзейнасьць ПКБ у Рэчыцкім  раёне – з 1992 г.

Асноўная мэта. Аб’яднаньне і палітычнае разьвіцьцё работнікаў наёмнай працы для дасягненьня поўнага вызваленьня ад эксплуатацыі ва ўсіх яе відах, і будаўніцтва безклясавага грамадзтва сацыяльнай справядлівасьці.

Прыклады дзейнасьці ў Рэчыцкім  раёне. Прадстаўнікі ПКБ у Рэчыцкім  раёне ўдзельнічалі ў арганізацыі і правядзеньні наступных акцыяў, палітычных кампаніяў і іншых мерапрыемстваў: 

• мясцовыя, парлямэнцкія і прэзыдэнцкія выбары;
•  
• акцыі: а) супраць росту жыльлёва-камунальных тарыфаў, б) супраць перайменаваньня праспектаў Машэрава і Скарыны ў Менску, в) акцыі салідарнасьці з сем’ямі зьніклых бяз вестак відных палітычных дзеячоў;
•  
• збор подпісаў: за свабоду былому кандыдату ў прэзыдэнты Беларусі А. Казуліну; пад скаргай у Вярхоўны суд Рэспублікі Беларусь па фактах фальсыфікацыяў падчас прэзыдэнцкіх выбараў;
•  
• стварэньне ініцыятыўнай групы па збору подпісаў супраць кантрактнай сыстэмы найму на працу;
•  
• распаўсюд газэты “Таварыш”, палітычных улётак, сацыялягічных бюлетэняў і іншых друкаваных выданьняў.

Беларуская сацыял-дэмакратычная партыя (Грамада)

Кантактная асоба ў  Рэчыцы:
Алег Шабетнік

Тэл.: 8(017) 246 86 94  +375 29 634 13 26

 

Адраджэньне сацыял-дэмакратыі ў Беларусі пачалося ў перыяд дэмакратызацыі СССР, у гады «перабудовы». Група беларускіх інтэлігентаў – Міхась Ткачоў, Міхась Чарняўскі, Анатоль Сідарэвіч – у 1990 годзе прыйшла да высновы, што настаў час адрадзіць рух дэмакратычных сацыялістаў у нашай краіне.

2 сакавіка 1991 году была створана Беларуская сацыял-дэмакратычная Грамада.

У студзені 2005 г. прайшоў ІХ з’езд БСДП. Яе старшынёю быў абраны Анатоль Ляўковіч. Пачаўся працэс вяртання ў партыю яе ветэранаў і большай часткі ранейшага актыву. 24 чэрвеня 2005 года БСДП была перарэгістравана як Беларуская сацыял-дэмакратычная партыя (Грамада). 24 ліпеня на Х нечарговым з’ездзе яе новым лідэрам абраны Аляксандр Казулін, былы рэктар БДУ і міністр.

 

Мэты партыі:

 

– сцвярджэнне правоў і свабод чалавека, абарона інтарэсаў і правоў людзей наёмнай працы;

– пабудова салідарнага грамадства на прынцыпах свабоды, роўнасці, сацыяльнай справядлівасці, дэмакратыі і прыярытэту права;

– пабудова незалежнай дэмакратычнай, прававой і сацыяльнай Беларускай дзяржавы — раўнапраўнага суб’екта еўрапейскай і сусветнай супольнасці.

 

---