Рэчыца

Затрыманне ў Рэчыцы, або каму служыць і каго абараняе наша міліцыя?

Увечары 9 студзеня быў затрыманы лідэр прадпрымальнікаў горада Рэчыцы  і старшыня Гомельскай абласной арганізацыі  БСДП(Г)Алег Шабетнік. Затрыманне адбылося перад мітынгам прадпрымальнікаў, які мусіць адбыцца заўтра на Кастрычніцкай плошчы ў Менску. Алега Шабетніка абвінавацілі ў дробным хуліганстве, лаянцы на вуліцы. Але ён вяртаўся  да дому з нарады  рэчыцкіх дэмакратычных сілаў, у якой прымалі ўдзел старшыня Рэчыцкай раёнай арганізацыі  Партыі БНФ Валер Пуціцкі,  кіраўнік мясцовай структуры АГП  Алесь Касцючэнка і Алег Шабетнік.

Удзел у затрыманні прымаў участковы інспектар Рэчыцкага РАУС,  сусед Алега Шабетніка  Дзяніс Валер'евіч  Ніканенка. Ганьба такім супрацоўнікам міліцыі!